Lívið, fólkini, ástøði og málitólini

Fyrsti partur er ein inngangur, ið einamest er um lívfrøðilærugreinina. Hvat eru náttúruvísindi, hvørjir vóru persónarnir sum settu fram týdningarmiklu ástøðini og hvørji eru ástøðini sum fáa lívfrøðina at hanga saman sum lærugrein ?

Sum lærugrein er lívfrøðin fødd við bókini Origin of species hjá Charles Darwin, ið varð givin út á fyrsta sinni í 1859. Hetta merkir ikki at lívfrøðilig vitan ikki fanst áðren Darwin. Hetta merkir bert, at tað er við bókini Origin of species at vit fáa tað ástøðið, sum samlar eina rúgvu av vitan úr ymsum fakgreinum í eitt fak. Áðrenn 1859 var lívfrøðin skild sundur í djórafrøði, plantufrøði, læknavísind og smáverufrøði. Øll hesi fakøkini eru til enn, men tey eru eisini samlaði í fakinum lívfrøði. Áðrenn 1859 var ongin ástøðilig orsøk til at halda at lærugreinarnar høvdu nakað í felag.

Felags fyri øll hesi fakøkini, sum eru saman í lívfrøði, er, at tey eru náttúruvísindalig. Ástøði hjá Darwin um, at alt lív hevur ein felags ættfaðir, og er ment í milliardir av árum við natúrligum úrvali er bindiliðurin. At lívfrøði eru náttúruvísinidi merkir samstundis at tað eru ógvuliga neyvar og strangar treytir fyri hvat kann uppáhaldast og ikki sum dømi um ravnin omanfyri vísir.  Øll náttúruvísindi skal byggja á eygleiðingar og mátingar. Í mótsetningi til heimspeki og átrúnað, ið annaðhvørt eru rein spekulatión ella byggja á aldargamlar lærusetningar.

Tak niður ella skriva partin út

Tey stóru samansettu mýlini

Annar partur er  um stórmýlini sum kyknur og lívverur eru uppbygdar av.

Eins og alt annað, so eru lívverur settar saman av grundevnum, sum aftur eru sett saman í smá mýl, sum aftur er sett saman í størri mýl. Eitt av eyðkennunum við lívinum er júst, at mýlini lívverur eru gjørdar av eru ógvuliga stór og samansett. Umframt vatn, sum er stórsti parturin av lívverum, kunnu stórmýlini skiljast í eggjahvítaevni, kolvætu, fitievni og kjarnasýrur. Hóast nógv tann stórsti parturin av lívverum er byggisteinarnir eggjahvítaevni, so hava hinir evnisbólkarnir eisini stóran týdning - bæði sum byggisteinar og í evnaskiftinum.  Lívverur inntaka føði, og brenna ein part fyri at fáa orku til lívsprosessirnar, ein annarpartur verður niðurbrotin, fyri síðan at verða settur saman aftur í stórmýl.

Partar

Allir partarnir í lærubókini verða lagdir her so hvørt teir eru lidnir. Myndir í eisntøku pørtunum eru eisini tøkar uttan tekst undir myndum. Somuleiðis eru uppgávur og venjingar til einstøku partarnir undir uppgávur og venjingar.

Fusce faucibus dui a ipsum est vestibulum mauris dapibu nunc luctus integer consectettur quis pretium nunca elementum puru quisque poritor turpis est

Tempus et hendrerit purus

Dolor sit amet consectetur tellu adipiscing elit ullam nec justor massa elit eu vulputate magna maecenas bibendum erattu sit amet adipiscing sollicitudin elit.

Tempus et hendrerit purus

Pulvinar tincidunt ipsum nibhat at nibh aliquam feugiat eratum nec cursus tincidunt orci nunci ullamcorper velit ut euismodis erat nisl nec torttor donec inter.

Tempus et hendrerit purus

Ultrices feugiat est elementum adipiscing porttitor tortor aucttu dictum duis leo diam ut aliquet mauris in imperdiet libero lucu maecenas varius eget dui felis.

Tempus et hendrerit purus